1 Chronicles 3

Ariũ a Daudi

1 ^aAya nĩo maarĩ ariũ a Daudi arĩa maaciarĩirwo Hebironi:
Irigithathi rĩarĩ Amunoni mũrũ wa Ahinoamu wa kuuma Jezireeli;
nake wa keerĩ aarĩ Danieli mũrũ wa Abigaili wa kuuma Karimeli;
2 ^bnake wa gatatũ aarĩ Abisalomu mũrũ wa Maaka mwarĩ wa Talimai mũthamaki wa Geshuru;
nake wa kana aarĩ Adonija mũrũ wa Hagithu;
3nake wa gatano aarĩ Shefatia mũrũ wa Abitali;
nake wa gatandatũ aarĩ Ithireamu ũrĩa aaciarĩirwo nĩ mũtumia wake Egila.
4 ^cAcio atandatũ maaciarĩirwo Daudi kũu Hebironi, kũrĩa aathamakĩire mĩaka mũgwanja na mĩeri ĩtandatũ.
Daudi aathamakire arĩ Jerusalemu mĩaka mĩrongo ĩtatũ na ĩtatũ, 5 ^dnacio ici nĩcio ciana ciake iria ciaciarĩirwo kũu:

Shimea, na Shobabu, na Nathani, na Solomoni. Acio ana maaciarirwo nĩ Bathisheba mwarĩ wa Amieli. 6Ningĩ nĩ kwarĩ na Ibiharu, na Elishua, na Elifeleti, 7na Noga, na Nefegu, na Jafia, 8na Elishama, na Eliada, na Elifeleti; othe maarĩ kenda. 9 ^eAcio othe maarĩ ariũ a Daudi, ariũ a thuriya ciake matatarĩtwo. Nake Tamaru nĩwe warĩ mwarĩ wa ithe wao.

Athamaki a Juda

10 ^fMũriũ wa Solomoni eetagwo Rehoboamu,
nake mũriũ eetagwo Abija,
nake Asa aarĩ mũriũ wa Abija,
nake Jehoshafatu aarĩ mũriũ wa Asa,
11 ^gnake Jehoramu aarĩ mũriũ wa Jehoshafatu,
nake Ahazia aarĩ mũriũ wa Jehoramu,
nake Joashu aarĩ mũriũ wa Ahazia,
12 ^hnake Amazia aarĩ mũriũ wa Joashu,
nake Azaria aarĩ mũriũ wa Amazia,
nake Jothamu aarĩ mũriũ wa Azaria,
13 ⁱnake Ahazu aarĩ mũriũ wa Jothamu,
nake Hezekia aarĩ mũriũ wa Ahazu,
nake Manase aarĩ mũriũ wa Hezekia,
14 ^jnake Amoni aarĩ mũriũ wa Manase,
nake Josia aarĩ mũriũ wa Amoni.
15 ^kAriũ a Josia maarĩ:
Johanani irigithathi rĩake,
nake wa keerĩ aarĩ Jehoiakimu,
nake wa gatatũ aarĩ Zedekia,
nake wa kana aarĩ Shalumu.
16 ^lArĩa maathamakire thuutha wa Jehoiakimu maarĩ:
mũriũ Jekonia
na Zedekia.

Rũciaro rwa Nyũmba ya Ũthamaki thuutha wa Ithaamĩrio

17Njiaro cia Jekonia, ũrĩa watahĩtwo, ciarĩ:
Mũriũ Shealitieli, 18 ^mna Malikiramu, na Pedaia, na Shenazaru, na Jekamia, na Hoshama, na Nedabia.
19 ⁿAriũ a Pedaia maarĩ:
Zerubabeli na Shimei.
Ariũ a Zerubabeli maarĩ:
Meshulamu na Hanania;
Shelomithu aarĩ mwarĩ wa nyina wao.
20Nĩ kwarĩ na ariũ angĩ atano, nao nĩ:
Hashuba, na Oheli, na Berekia, na Hasadia, na Jushabu-Hesedi.
21Njiaro cia Hanania ciarĩ:
Pelatia, na Jeshaia, na ningĩ nĩ kwarĩ na ariũ a Rafaia, na a Arinani, na a Obadia, o na a Shekania.
22 ^oNjiaro cia Shekania ciarĩ:
Shemaia na ariũ ake:
Hatushu, na Igali, na Baria, na Nearia, na Shafati; othe maarĩ atandatũ.
23Ariũ a Nearia maarĩ:
Elioenai, na Hizikia, na Azirikamu; othe maarĩ atatũ.
24Ariũ a Elioenai maarĩ:
Hodavia, na Eliashibu, na Pelaia, na Akubu, na Johanani, na Delaia, na Anani; othe maarĩ mũgwanja.